Rooi Bos

JAKO MEYER Stel Nuwe Enkelsnit Bekend | ROOI BOS Vrydag, 2 Desember 2022 sien die vrystelling van ’n splinternuwe enkelsnit vanaf JAKO MEYER, genaamd ROOI BOS. ROOI BOS kom na die vrystelling van JAKO se laaste enkelsnit, ‘Om Hierdie Hart’ in Junie vanjaar. ROOI BOS is gedurende Augustus 2022 geskryf met iemand spesiaal in JAKO se lewe as inspirasie, gekombineerd met die geur van lente met nuwe bloeisels en natuurlik ook, die nuwe seisoen se uitdagings. Die liriek belaaide liefdeserkenning, ROOI BOS vertel die verhaal van twee mense wat mekaar heeltyd net-net mis. “Die lewe het sy draaie en paaie, en soms kruis die paaie wat jy hê wil moet, net nie.” sê JAKO. Die liriese rooi beelde wat gebruik verteenwoordig die liefde, sowel as moontlike gevaar in die spel van liefde, gekombineerd met ’n rustige melodie. “Ek dink almal het daardie een liefde waaroor jy altyd sal wonder. Daardie liefde wat jou laat voel of jy van jou kop af is. En al waai die wind nie reg nie, sal jy altyd by daai tafel in die hoek sit en wag.” Laai ROOI BOS hier af: https://linktr.ee/JakoMeyer “Ek het gevoel ek wil nog iets uitbring in 2022. ROOI BOS is ‘n lied baie na aan my hart, en hopelik kan mense rustig raak daarmee na ’n besige 2022.” JAKO MEYER se tweede solo album, DAGBREEK DOOLHOF, sal in 2023 vrygestel word. Aanhangers kan JAKO MEYER saam met MOSES METRO MAN, ZEBRAMAN en DEON MEIRING op toer sien hierdie Desember! Volg hom op sosiale media vir meer inligting.

Dit Brand

Augustus 2022 sien die vrystelling van ’n splinternuwe enkelsnit vanaf MOSES METRO MAN, genaamd DIT BRAND. Dit is die rock-groep se eerste nuwe vrystelling sedert hul laaste enkelsnit, ‘Lief & Leed’ in 2020. Met ’n liefdesverhaal as inspirasie, is DIT BRAND in 2022 geskryf en opgeneem met die oog op ’n aanbieding wat eg is aan die MOSES METRO MAN klank. Met ‘n interessante melodie, kenmerkende kitare en epiese emosionele kore - bied die groep aan aanhangers ’n enkelsnit wat handel oor die verganklikheid van die liefde, wat in praktyk nooit vergaan nie. “Blomme verwelk, gras verdor, maar die liefde sal ewig bly staan.” Twaalf jaar sedert die vrystelling van hul eerste musiek, is dit vir die groep ’n interessante ervaring om weer musiek op te neem. Met vervaardiger Johan Viljoen aan die stuur van produksie, kan luisteraars uitsien na ’n moderne, alternatiewe klank wat intense emosie vasvang, gekombineerd met sterk liriese inhoud - iets waarvoor MOSES METRO MAN wel bekend is. “Dit is skrikwekkend om te besef dat ons so lank stil was. Ons het weer daardie hongerte wat nodig is, en ‘DIT BRAND' is die perfekte manier om weer daardie vuur aan te steek.” - Jako Meyer. Luister DIT BRAND hier: https://electromodeza.lnk.to/Dit_BrandAr MOSES METRO MAN aanhangers kan uitsien na nog musiek wat later vanjaar oppad is, sowel as ’n landswye toer wat binnekort sal plaasvind.

Om Hierdie Hart

 JAKO MEYER Stel Nuwe Enkelsnit Vry

OM HIERDIE HART

Vandag sien die vrystelling van ’n splinternuwe enkelsnit van JAKO MEYER - getiteld OM HIERDIE HART. Die enkelsnit kom na die vrystelling van JAKO se laaste enkelsnit, ‘Soeker’ in 2021. OM HIERDIE HART is vanaf JAKO MEYER se tweede album, getiteld DAGBREEK DOOLHOF wat later vanjaar vrygestel sal word.

OM HIERDIE HART is geskryf nadat JAKO ’n behoefte gehad het om iets soortgelyk aan ‘My Hande’ te skryf - een van sy vorige enkelsnitte wat in Mei 2021 vrygestel was en ’n gunsteling onder die publiek is.

“‘My Hande’ was eerlik en rou en mense het daarvan gehou. OM HIERDIE HART is ’n erkenning dat daar genesing in kwesbaarheid lê.” 

OM HIERDIE HART - ’n aanbieding met ’n sterk liriese element gekombineerd met ’n diep, rustige en intieme gevoel - is in April 2022 geskryf deur JAKO. “Die inspirasie lê daarin dat ons ons harte soms so toepak met beskermingsmeganismes na trauma, dat ons onsself weerhou daarvan om weer heeltemal gesond te word.” sê JAKO.

’n Enkelsnit vir oud en jonk - OM HIERDIE HART is ’n liedjie wat geen druk op jou plaas nie, terwyl dit die luisteraar ruimte gee om asem te haal en op daardie wyse die mure om sy hart af te breek.

Luister OM HIERDIE HART hier:

https://linktr.ee/jakomeyer

JAKO MEYER se tweede solo album, DAGBREEK DOOLHOF, sal later in 2022 vrygestel word.

JAKO MEYER KONTAK

Facebook: https://www.facebook.com/JakoMeyerSolo

Twitter: https://twitter.com/Jako_Meyer

Instagram: https://www.instagram.com/Jako_Meyer